Qindra gjeorgjianë kanë marshuar në kryeqytetin Tbilisi në përkrahje të kandidaturës së shtetit të tyre për Bashkimin Evropianë. Me flamujt evropianë dhe me thirrje pro-Evropës, gjeorgjianët kanë marshuar nga Sheshi i Parë i Republikës deri te Sheshi i Evropës, në të cilin është shpalosur një flamur gjigand i BE-së.
Organizatorët kanë thënë se secili yll në flamur është qëndisur në rajone të ndryshme të Gjeorgjisë, për të simbolizuar unitetin e popullit gjeorgjian në aspiratat evropiane. Më 15 dhjetor, BE-ja pritet të njoftojë vendimin që Gjeorgjia të ketë statusin e vendit kandidat, arritje e madhe e ish-shtetit sovjetik për anëtarësim në BE.
Gjeorgjia në muajin nëntor mori lajmin nga BE-ja se ajo do të merrte statusin sapo të adresonte disa çështje si lufta kundër korrupsionit dhe mangësitë zgjedhore.
Marshi ishte thirrur nga presidenti dhe u organizua nga grupet e shoqërisë civile.
-
Gjeorgjianët festojnë në rrugë pasi morën statusin e vendit kandidat në BE
-
Mijëra protestojnë në Gjeorgji ndërsa u betua presidenti i ri
-
“Ëndrra gjeorgjiane” venit ëndrrat e gjeorgjianëve
-
Ish-presidenti rus i quan “përpjekje për revolucion” protestat masive në Gjeorgji
-
Protesta në Gjeorgji pasi Qeveria pezullon bisedimet për anëtarësim në BE