Komisioni Zgjedhor i Rusisë ka thënë se ka gjetur nënshkrime të njerëzve që nuk janë më, në mes të më shumë se 100,000 nënshkrimeve të paraqitura nga Boris Nadezhdin, sfiduesi i presidentit Vladimir Putin, për zgjedhjet presidenciale të muajit të ardhshëm.
Nadezhdini, që ka dalë publikisht kundër luftës, rrezikon të skualifikohet nga votimi që pritet të jetë i menaxhuar me kujdes ashtu që fitorja e Putinit të jetë e sigurt, ka raportuar The Guardian.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoEdhe pse Nadezhdini nuk është skualifikuar ende, në konferencën e së premtes, komisioni qendror i zgjedhjeve tregoi se ai mund të hiqej në prag të votimit. Ai është thirrur të hënën në komision për shqyrtimin e “gabimeve” mes firmave të tij.
“Ka gabime (në nënshkrimet e Nadezhdinit) që shkaktojnë habi. Kur shohim dhjetëra e dhjetëra njerëz që nuk jetojnë në listën e nënshkrimeve, vihen në pyetje normat etike, duke përfshirë edhe ato nga mbledhësit e nënshkrimeve”, ka thënë Nikolai Bulayev, nënkryetari i agjencisë qeveritare shtetërore. “Në një farë mase, kandidati është i përfshirë drejtpërdrejt”.
Tatiana Stanovaya, themeluesja e firmës së analizës politike “R.Politik”, ka thënë se Nadezhdinit ndoshta i ishte lejuar të përpiqej - dhe dështonte - të mblidhte nënshkrime për të “treguar sa e pashpresë ishte agjenda kundër luftës”.
“Nadezhdin po dilte në sondazh me numër njëshifror dhe në rastin më të mirë mund të priste të fitonte 4% të votave të zgjedhjeve të përgjithshme. Putini ka të ngjarë të presë fitore dërrmuese për t'i dhënë atij mandatin e pestë në detyrë dhe mandat për të vazhduar luftën” ka thënë këtë javë qendra e pavarur “Levada”.