Franca rekomandon marrjen e vetëm një doze të vaksinës për ata që kanë qenë të infektuar

Autoriteti i shëndetit në Francë po rekomandon që çdokush që ka qenë i infektuar me COVID-19 duhet ta marrë vetëm një dozë të vaksinës, në vend të dy dozave siç jepen zakonisht.

Njerëzit që shërohen nga koronavirusi kanë imunitet dhe duhet të vaksinohen tre0gjashtë muaj më pas.

Franca është shteti i parë që këshillon këtë, raporton BBC.

Rekomandimi vjen pasi qeveritë kudo në botë po nxitojnë ta vaksinojnë popullatën dhe ta rikthejnë jetën normale.

Të paktën 3.4 milionë njerëz në Francë janë infektuar, por të dhënat reale mendohet të jenë më të larta. Rreth 81,000 njerëz janë vdekur.