Ministrat e qeverisë franceze kanë shprehur shqetësimin e tyre të hënën lidhur me ndikimin e fitores së partisë së ekstremit të djathtë "Alternativa për Gjermaninë" (AfD) në zgjedhjet shtetërore të Saksonisë-Anhalt të dielën.
Sipas sondazheve të kryera në dalje të qendrave të votimit, partia "Alternativa për Gjermaninë" (AfD) u rendit e para në zgjedhjet shtetërore të Saksonisë-Anhalt, duke e sjellë një parti të ekstremit të djathtë pranë marrjes së pushtetit në nivel shtetëror për herë të parë që nga Lufta e Dytë Botërore.
"Kjo dërgon qartazi një sinjal shumë, shumë shqetësues”, ka thënë ministri francez i Financave, Roland Lescure, për radion RTL.
"Kjo tregon se ne përballemi me një sfidë të madhe përballë një vale populiste që po përhapet sot në mbarë botën dhe të cilës duhet t'i rezistojmë”, ka shtuar Lescure.
Qëndrimet e Lescure-it pasqyronin komente të ngjashme të bëra vonë të dielën nga ministri francez për Çështjet Evropiane, Benjamin Haddad.
Edhe
AfD-ja synon të formojë qeverinë në landin lindor të Gjermanisë pas fitores në zgjedhje
"Fitorja e ekstremit të djathtë në zgjedhjet rajonale gjermane shënon një moment shumë serioz për Evropën”, ka shkruar ai në platformën X.
"Duhet t'i dëgjojmë me përulësi zemërimin, frikën dhe shqetësimet, si dhe t'u përgjigjemi siç duhet këtyre shqetësimeve. Por nacionalizmi dhe ksenofobia nuk do të jenë kurrë zgjidhja”, ka shtuar Haddad.
E djathta ekstreme në Gjermani me fitore të madhe në lindje, por nuk arrin shumicën
Partia e ekstremit të djathtë Alternativa për Gjermaninë (AfD) ka shënuar një fitore bindëse në landin...-
E djathta ekstreme në Gjermani me fitore të madhe në lindje, por nuk arrin shumicën
-
E djathta ekstreme gjermane drejt një fitoreje të madhe në landin lindor
-
Merz e quan “katastrofë” rezultatin e CDU-së, por premton se do të qëndrojë në detyrë
-
Mbahen zgjedhjet në dy lande të tjera gjermane, Merzi nën presion të fortë