Franca do ta bëjë abortin të drejtë kushtetuese

Senati i Francës e ka miratuar një projektligj për ta futur në Kushtetutë të drejtën e grave për abort.

Në Kushtetutën e saj do të shkruhej “liria e garantuar” e grave për të zgjedhur abortimin, nëse projektligji miratohet nga ligjvënësit në një seancë të përbashkët në Parlamentin francez të hënën.

“Votimi është historik... u thotë të gjithë atyre që s’e dinë ende se gratë në vendin tonë janë të lira... dhe deri në çfarë pike jemi të lidhur me lirinë”, ka thënë ministri i Drejtësisë, Eric Dupond-Moretti, raportoi Guardian. 

Në vitin 2022, Parlamenti francez votoi pro zgjatjes së limitit ligjor për ndërprerjen e shtatzënisë nga 12 në 14 javë.