Franca dëbon qindra emigrantë të strehuar në tenda në qendër të Parisit

Autoritetet policore të Francës kanë dëbuar qindra emigrantë të strehuar në tenda të improvizuara pranë Bashkisë së Parisit, të martën.

Franca i ka cilësuar dëbimet e emigrantëve që nuk kanë strehim të siguruar si fushatë të “spastrimit social” përpara Lojërave Olimpike Verore.

Në mesin e emigrantëve të dëbuar janë rreth 100 adoleshentë dhe të rinj nga Afrika Perëndimore, raporton agjencia e lajmeve “Associated Press”.

Policia e Parisit ka thënë se operacioni u krye për arsye sigurie, veçanërisht për shkak se tendat ishin ngritur afër shkollave.

Zyrtarët e rajonit të Parisit u kanë siguruar emigrantëve strehim të përkohshëm prej tre javësh në qytetin Angers, 250 kilometra larg nga kryeqyteti.  

Grupet e ndihmave që punojnë me emigrantët në rajonin e Parisit kanë njoftuar se masat e dëbimit të emigrantëve po intensifikohen përpara Olimpiadës.

Ata kanë vënë në dukje se njerëzit po dërgohen larg kryeqytetit, në vend që t’u ofrohet strehim në rajonin e Parisit, ku shumë azilkërkues kanë datat takimet e caktuara të gjyqit.