Këshilli Evropian do të vendosë pas pak ditësh nëse do të hapë bisedimet e anëtarësimit me Shqipërinë apo jo.
Knut Fleckenstein, raportuesi për Shqipërinë në Parlamentin Evropian, tha se kushtet për hapjen e bisedimeve janë plotësuar nga Tirana.
“Në Shqipëri ka pasur progres të qartë dhe çështjet sa i takon sundimit të ligjit po shkojnë në drejtimin e duhur dhe ndoshta edhe më mirë se në disa vende brenda Bashkimit Evropian. Prandaj, ne duhet të hapim bisedimet e anëtarësimit me këtë vend”, apeloi ai në PE.
Një tjetër thirrje për Këshillin Evropian kishte edhe për Kosovën.
“Të mos harrojmë që kriteret për liberalizimin e vizave janë plotësuar tashmë”, u shpreh Fleckenstein.
Edhe
Fleckenstein thotë se kanë nisur diskutimet mes tre institucioneve evropiane për liberalizim vizash
Eurodeputeti gjerman kërkoi gjithashtu edhe hapjen e negociatave me Maqedoninë dhe avancimin e tyre në kapitujt e tjerë për rastin e Serbisë dhe Malit të Zi.
“Duhet të dërgojmë në Ballkanin Perëndimor një sinjal të qartë se cila është qasja jonë për këtë rajon”, tha ai.
