Edhe zyrtarisht Finlanda dhe Suedia kanë aplikuar për anëtarësim në NATO.
Ambasadori i Finlandës në NATO, Klaus Korhonen, dhe ambasadori suedez, Axel Wernhoff, ia kanë dorëzuar aplikimet sekretarit të përgjithshëm të NATO-s, Jens Stoltenberg, të mërkurën.
Stoltenbergu e ka quajtur veprimin moment historik.
“Është ditë e mirë në një periudhë kritike për sigurinë tonë. Faleminderit që i dorëzuat aplikimet për Finlandën dhe Suedinë për anëtarësim në NATO. Çdo shtet ka të drejtë të zgjedhë rrugën e vet. Ju e keni bërë këtë pas proceseve demokratike. Me ngrohtësi mirëpres kërkesat e tyre për t’u pranuar. Ju jeni partnerët tanë më të afërt dhe pranimi juaj në NATO do të rriste sigurinë tonë të përbashkët. Është një hap historik”, ka thënë ai.
Aplikimi i Finlandës dhe Suedisë për pranim në organizatën më të madhe të sigurisë në botë bëhet pas kërcënimeve për rajonin qëkur Rusia nisi pushtimin e Ukrainës.
Duke iu bashkuar NATO-s, Finlanda dhe Suedia do të braktisnin besimin e mbajtur për dekada të tëra që paqja ruhet më së miri duke mos zgjedhur publikisht anët, sipas një artikulli të Reuters.
Edhe
Hapat e mundshëm për Suedinë dhe Finlandën drejt anëtarësimit në NATO
Të dyja vendet kanë marrë pjesë në ushtrimet e NATO-s për vite të tëra. Çfarëdo procesi i anëtarësimit që do të ndiqet do të zgjasë shumë më shkurt se sa për aplikimet e mëparshme për t’iu bashkuar aleancës qysh prej vitit 1950.
NATO ishte themeluar në vitin 1949.
