Familja e një çifti pakistanez që ka mbetur i bllokuar në rajonin e Gutës Lindore i cili ndodhet i rrethuar nga regjimi i Bashar al Asadit në Siri, shpresojnë të bashkohen me të afërmit e tyre nga të cilët kanë marrë lajm për herë të parë pas 36 vitesh.
72 vjeçari Mahmut Fadil Eshref dhe bashkëshortja e tij 62 vjeçare Sekral Bibi, në vitin 1975 kishin shkuar në Siri me shpresë se do të gjenin punë. Çifti, i cili është detyruar të migrojë në mënyrë të vazhdueshme pas shpërthimit të luftës civile në Siri në vitin 2011, ka mbetur i bllokuar në Gutën Lindore.
Çifti pakistanez në Siri më herët për AA ka rrëfyer se po përpiqej të mbijetojnte me qumësht dhe vezë të përfituara nga një numër i vogël i kafshëve të cilat i posedojnë.
Ndërkaq, gazetari i AA-së në Pakistan ka arritur ta gjejë familjen e këtij çifti, e cila shpreson të kthehet sa më shpejtë në vendlindje.
Familja e çiftit jeton në një fshat të qytetit Gujrat në provincën Panxhab. Vëllai 78 vjeçar i Mahmut Fadilit, Muhammed Eshref, nuk arriti të përmbahet nga lotët kur shikoi pamjet e vëllait të tij.
Edhe
Militantët izraelitë po mbajnë të rrethuara dy familje palestineze në Bregun Perëndimor
Ai tregon se vëllai i tij për herë të fundit kishte ardhur në Pakistan në vitin 1981.
“Ne shumë herë insistuam që ai të kthehet prapa dhe të vazhdojë të jetojë këtu, por nuk u kthye. Allahu i ndihmoftë vëllait tonë. Nuk duroj dot ta shoh atë në këtë gjendje”, thotë ai.
Duke theksuar se dëshiron të takohet sa më parë me të, Eshref thotë: “Kërkojmë ndihmë nga qeveria të na ndihmojë që vëllai im, i cili po përpiqet të mbijetojë atje në kushte të vështira, të rikthehet në shtetin e tij”.
“Për fat të mirë, vëllai im është gjallë”
Eshref falënderoi AA-në për gjetjen e vëllait, për të cilin nuk kishte dëgjuar asgjë me vite të tëra.
"Për fat të mirë, vëllai im është gjallë. Jam mirënjohës ndaj jush për gjetjen e vëllait tim dhe sjelljen e informacioneve për të te ne”, theksoi Eshref.
Ndërkaq, Eshref kishte dy vëllezër, prej të cilëve më i vogli, Muhammed Ali, ka humbur jetën para pesë viteve.
Në Gutën Lindore, rajon që gjendet në kryeqytetin e Sirisë, Damask, rreth 400 mijë civilë janë të rrethuar prej pesë vitesh nga regjimi dhe forcat ushtarake mbështetëse të tij. Në rajon është e ndaluar edhe hyrja e ushqimeve elementare dhe barnave, që deri në muajin prill të vitit 2017 mund të hynin përmes rrugëve të fshehta.
Edhe
“Mesazhet e palexuara për tre vjet” - historia e luftës në rrëfimin e gazetarit të bllokuar në el- Fasher
Por, që nga periudha në fjalë, për shkak të shtrëngimit të rrethimit nga regjimi dhe grupeve të huaja terroriste mbështetës të regjimit, është bërë e pamundur futja e barnave dhe ushqimeve në rajon. Kjo gjendje e ka vështirësuar edhe më tej jetën e përditshme të popullit të këtij rajoni.
Guta Lindore, sipas marrëveshjes së arritur mes Turqisë, Rusisë dhe Iranit në Astana, ishte shpallur pjesë e zonës së deeskalimit. Megjithëse, armëpushimi ishte shpallur më 22 korrik, pjesëtarët e regjimit të Asadit e shkelin shpesh atë.
