Familja mbretërore britanike për herë të parë mbështet kërkimet për lidhjet e saj me skllavërinë

Mbreti Charles ka sinjalizuar për herë të parë mbështetjen e tij për kërkimin mbi lidhjet historike të monarkisë britanike me skllavërinë transatlantike, pas shfaqjes së një dokumenti që tregon aksionet e paraardhësve të tij në një kompani tregtie skllevërish.

Pallati Buckingham lëshoi ​​deklaratën pasi u kontaktua nga The Guardian për historinë e gjerë të përfshirjes dhe investimeve të njëpasnjëshme të monarkëve britanikë në skllavërimin e popullit afrikan.

The Guardian ka publikuar një dokument të paparë më parë që tregon transferimin e vitit 1689 të 1,000 funteve të aksioneve në “Royal African Company” për tregtinë e skllevërve te mbreti William III nga Edward Colston, zëvendësguvernatori i kompanisë.

Pallati nuk komentoi dokumentin por tha se mbështet një projekt kërkimi mbi përfshirjen e mbretërisë në tregtinë me skllevër.

“Kjo është një çështje që Madhëria e Tij e merr thellësisht seriozisht", ka thënë një zëdhënës.

“Pallati Historik Mbretëror është partner i një projekti të pavarur kërkimi që filloi tetorin e vitit të kaluar, që po eksploron, mes të tjerash, lidhjet mes monarkisë britanike dhe tregtisë transatlantike me skllevër gjatë fundit të shekullit 17 dhe 18. Si pjesë e kësaj, familja mbretërore po mbështet këtë kërkim përmes qasjes në koleksionin mbretëror dhe arkivat mbretërore”.

Edhe Botë 31 mar 2026 Mbreti Charles do të vizitojë Shtëpinë e Bardhë muajin e ardhshëm

Është hera e parë që Pallati Buckingham publikisht ka deklaruar se mbështet një kërkim të tillë në historinë e turbullt të familjes mbretërore.

Historianët kanë thënë se deklarata e pallatit është hap i mirëpritur, por se më shumë duhet të bëhet për çështjen.