“Është koha për të marrë atë që është e jona”

Valerii Zaluzhnyi, komandanti i Përgjithshëm i Ushtrisë së Ukrainës, publikoi një video të titulluar “Është koha për të marrë atë që është e jona”, e cila ka për qëllim ngritjen e moralit të ushtarëve para kundërsulmit që pritet ta nisin ukrainasit në Bakhmut.

E titruar në gjuhën angleze, videoja është shpërndarë në Twitter nga këshilltari i Ministrisë së Punëve të Brendshme të Ukrainës, Anton Garashcheko. Në fokus të videos, përveç mesazhit, janë edhe tanket “Leopard 2”, që i janë dhuruar Ukrainës.

Videoja u frymëzua nga një lutje e shkruar nga nacionalisti Osyp Mashchak pothuajse 100 vjet më parë. Tema kryesore e lutjes moderne është “Ukrainë, ma beko vendosmërinë time për këtë fitore...”.

VIDEO:

Forcat ukrainase kanë zmbrapsur 25 sulme ruse ndaj pozicioneve të tyre në lindje të Ukrainës gjatë 24 orëve të fundit, ka thënë Shtabi i Përgjithshëm i ushtrisë ukrainase në informacionet e përditësuara për luftën të publikuara të shtunën.

Luftimet kanë vazhdar në dhe përreth qytetit lindor ukrainas të Bakhmutit, epiqendrën e luftës në Donetsk, përderisa Rusia po vazhdon të sulmojë këtë qytet dhe vendbanimet përreth me avionë, ka thënë ushtria ukrainase më 27 maj.