Erdogani, mesazh SHBA-së: Me ne s’bisedoni me gjuhën e kërcënimeve

Presidenti i Republikës së Turqisë, Recep Tayyip Erdogan, duke folur për marrëdhëniet e Turqisë me Shtetet e Bashkuara të Amerikës, theksoi se me popullin turk nuk mund të bisedohet me gjuhën kërcënuese

Erdogani ishte në një tubim në qytetin Ordu, ku mbajti një fjalim para shtetasve të tij ku në theks të fjalimit të presidentit turk ishin tensionet në marrëdhëniet me Shtetet e Bashkuara të Amerikës.

“Na kërcënojnë, por me ne nuk mund të bisedoni me gjuhën kërcënuese. Ne kuptojmë gjuhën ligjore. Ne do të bëjmë gjithçka që kërkon ligji dhe drejtësia. Nuk do të dorëzojmë askënd, le të mbetet tek ju, neve na mjaftojnë ata që i kemi”, tha Erdogani duke shtuar: “Nëse biem, ne patjetër do të ngrihemi nga ai vend. U ngritëm dje, do të ngrihemi nesër. Vetëm le të qëndrojë populli im në këmbë”, raporton Agjencia turke e lajmeve Anadolu.

Erdogani porositi amerikanët se është për keqardhje që SHBA-ja është në gjendje që të ndryshojnë partnerë të NATO-s për një prift, duke menduar për priftin amerikan Andrew Brunson, të cilin e arrestoi policia turke nën akuzat për ofrimin e mbështetjes ndaj organizatave terroriste.

Akuzat ndaj Brunson përfshijnë spiunimin për organizatën terroriste PKK, të listuar si grup terrorist nga SHBA-ja dhe Turqia, dhe organizatën që Turqia e konsideron terroriste FETO, grupin që Turqia e akuzon se qëndron pas tentativës për grusht shteti në Turqi në korrik të vitit 2016.