Erdogan: Aleatët e NATO-s duhet t’i respektojnë shqetësimet e Turqisë

Presidenti i Turqisë, Recep Tayyip Erdogan, ka thënë të mërkurën se pret nga aleatët e NATO-s që të kuptojnë shqetësimet e Turqisë për sigurinë.

Në një fjalim para anëtarëve të partisë së tij, ai ka përsëritur qëndrimin e tij që delegacionet e Suedisë dhe Finlandës nuk kanë nevojë të mundohen të shkojnë në Turqi që t’i diskutojnë këto çështje.

Ai tha se Suedia nuk duhet të presë që Turqia ta aprovojë anëtarësimin e saj në NATO, pa i rikthyer “terroristët”, shkruan BBC.

Turqia akuzon dy vendet nordike se po strehojnë anëtarë të Partisë së Punëtorëve të Kurdistanit (PKK), një grup të cilin Turqia e sheh si një organizatë terroriste, dhe pasuesit e Fethullah Gulenit, të cilin Ankaraja e akuzon për orkestrimin e një përpjekjeje për grusht shteti të vitit 2016.

Sipas agjencisë zyrtare turke të lajmeve, Finlanda dhe Suedia kanë refuzuar dhjetëra kërkesa për ekstradimin e militantëve kurdë që e përshkruajnë Turqinë si terroriste.

Pa mbështetjen e të gjithë anëtarëve të NATO-s, Suedia dhe Finlanda nuk mund t’i bashkohen aleancës ushtarake, megjithëse presidenti amerikan Joe Biden tha dje se mund të arrihet një konsensus konfidencial.