Dy persona janë vrarë dhe një tjetër ka marrë plagë të rënda në një sulm me thikë të martën në Gjermani. Sulmuesi i dyshuar u arrestua, raportoi AP.
Policia ka thënë se iu përgjigjën rastit të therjeve në qytetin Ludwigshafen. 25-vjeçari i dyshuar, shtetas i Somalisë, fillimisht iku nga vendi dhe më pas u arrestua në një barnatore.
Policët përdorën armët e zjarrit gjatë procesit dhe ai u lëndua rëndë, por është jashtë rrezikut për jetë.
Të vdekurit ishin gjermanë, njëri 20 vjeç dhe tjetri 35. I theruri që shpëtoi ishte po ashtu gjerman, 27 vjeç.
Informacione të tjera për incidentin dhe motivet e mundshme për sulmin nuk u bënë të njohura. Policia tha se nuk kishte rrezik për publikun.
Artikuj të ngjashëm
-
Pesë të vrarë nga të shtënat me armë në Gjermani
-
Dy të vdekur pasi një veturë goditi turmën në Leipzig
-
Dy të vdekur në Leipzig, pasi një person u përplas me veturë në turmën e njerëzve
-
Dy të vdekur dhe tre të tjerë në gjendje të rëndë nga sulmi në Manchester
-
Gjendet i vdekur në qeli i dyshuari për sulmin në Gjermani me 6 të vdekur