Një sulmues palestinez vrau dy njerëz dhe plagosi dy të tjerë në një sulm me thikë në Izrael, para se të vritej nga policia, njoftuan autoritetet izraelite.
Sulmi ndodhi mëngjesin e së dielës afër një pompe karburanti dhe një parku në qytetin Holon, afër Tel Avivit, sipas autoriteteve.
Një burrë dhe një grua u vranë, ndërsa dy njerëz të tjerë u plagosën dhe u dërguan në spital me nxitim, thanë zyrtarët mjekësorë.
“Terroristi u neutralizua menjëherë nga njëri prej oficerëve tanë në vendin e ngjarjes, i cili e parandaloi atë nga kryerja e një sulmi edhe më të rëndë”, tha zëdhënësja e policisë, Eli Levi, për televizionin izraelit, kanal 12.
Në një komunikatë për media, policia tha se ndodhet në vendin e ngjarjes dhe se “po kryejmë bastisje gjithëpërfshirëse me një helikopter dhe resurse shtesë”.
Edhe
Gjashtë të lënduar në një sulm me thikë në Izrael
Grupi radikal palestinez, Hamas – i cili është shpallur organizatë terroriste nga Shtetet e Bashkuara dhe Bashkimi Evropian – tha se sulmi me thikë ishte “përgjigje e natyrshme” për sulmet izraelite ndaj palestinezëve dhe për vrasjen e liderit të tij politik, Ismail Haniyeh, javën e kaluar në Teheran.
Megjithatë, Hamasi nuk e mori përgjegjësinë për sulmin e së dielës. /REL
-
Hamasi merr përgjegjësinë për sulmin në Tel Aviv ku mbetën shtatë të vrarë
-
Një i vdekur dhe një i plagosur nga një sulm me thikë në një qendër tregtare në Izrael
-
Një grua e vdekur e 17 të plagosur nga sulmi në qytetin Ra’anana të Izraelit
-
Një i vrarë dhe pesë të plagosur nga sulme të armatosura në disa qytete të Izraelit