Të paktën 10 persona kanë humbur jetën dhe 76 të tjerë janë plagosur pas një stuhie të fortë që goditi zonat e Rusisë qendrore, tha Ministria e Emergjencave.
Tetë nga viktimat, tre prej tyre fëmijë, vdiqën kur pemët ranë në kampingun e tyre në rajonin Mari El.
Stuhia preku tetë rajone, duke lënë rreth 100,000 njerëz pa energji elektrike dhe duke dëmtuar rreth 50 ndërtesa.
Ministria e Emergjencave u bëri thirrje njerëzve të shmangin pemët, ndërtesat e paqëndrueshme, shëtitjet në fshat dhe notin.
Vendkampingu është afër liqenit Yalchik, një pikë e njohur turistike në parkun kombëtar Mari Chodra në veri të lumit Vollga më shumë se 600 km në lindje të Moskës.
Fotot e postuara nga ministria tregonin vetura dhe tenda të dëmtuara rëndë pranë pemëve të rrëzuara.
Edhe
600 mijë familje në terr pas sulmit rus në Ukrainë
Disa qindra njerëz ishin kampuar në brigjet e liqenit kur goditi stuhia, shtoi ministria.
Komiteti Hetues i Rusisë tha se kishte hapur një çështje penale.
