Ish-oficeri i policisë së Minneapolisit, Derek Chauvin, është deklaruar fajtor për akuzat federale për shkeljen e të drejtave civile të George Floydit.
Chauvin, 45 vjeç, po vuan një dënim shtetëror me më shumë se 22 vjet për vrasjen e Floydit, një burrë 46-vjeçar me ngjyrë.
Të mërkurën, ai anuloi një deklarim të mëparshëm të pafajshëm mbi akuzat federale, si pjesë e një marrëveshjeje me prokurorët amerikanë. Marrëveshja do të thotë se ai nuk do të përballet me gjyq në janar. Kjo mund të rezultojë gjithashtu në një dënim më të lehtë federal për Chauvinin.
Chauvin, i cili është i bardhë, u dënua këtë pranverë nën akuzat për vrasje dhe vrasje nga pakujdesia në Minesota, për gjunjëzim në qafën e Floyd për më shumë se nëntë minuta.
Vrasja e Floydit - e kapur në kamerën e telefonit të një kalimtari, nxiti zemërim global dhe një valë demonstratash kundër padrejtësisë racore dhe përdorimit të forcës nga policia.
Akuzat federale kundër Chauvinit përfshijnë dy akuza kundër tij për privimin e të drejtave të Floydit duke u gjunjëzuar në qafë ndërsa ishte në pranga dhe duke mos ofruar kujdes mjekësor gjatë arrestimit në maj të vitit 2020.
Edhe
Chauvini dënohet me 21 vjet burg federal për privimin e George Floydit nga të drejtat e tij civile
Si pjesë e marrëveshjes për pranimin e fajësisë, Chauvin gjithashtu u deklarua fajtor për shkeljen e të drejtave të një djali të atëhershëm 14-vjeçar gjatë një arrestimi tjetër që u bë në vitin 2007. Sipas aktakuzës, Chauvin e mbajti djalin, në fyt, e goditi me elektrik dore në kokë dhe e mbajti gjurin në qafë dhe në pjesën e sipërme të shpinës së djalit, ndërsa ai ishte i prangosur dhe nuk po bënte rezistencë.
Chauvin, i cili ka apeluar dënimin e tij për vrasje shtetërore, ka qenë në izolim në një burg të Minesotës që nga prilli.
Pranimi i fajësisë për akuzat federale ka të ngjarë të zgjasë kohën e burgimit të Chauvinit përtej asaj ekzistuese. Prokurorët amerikanë rekomanduan deri në 300 muaj (25 vjet) burg për akuzat civile, por marrëveshja për pranimin e fajësisë do t'i lejonte Chauvinit të vuante dy dënimet njëkohësisht.
