Deputetja e Dhomës së Ulët të Parlamentit rus, e zgjedhur në zgjedhjet në Krime, Natalija Poklonskaja, ndodhet për vizitë në Serbi, ku takoi anëtarët e Këshillit të Asamblesë së Serbisë për diasporën dhe serbët në rajon.
Poklonskaja, nga viti 2014 deri më 2016, ka qenë prokurore në Krime, pasi ky rajon ukrainas është aneksuar nga Rusia.
Për shkak të përfshirjes në krizën në Ukrainë, Poklonskaja, nga viti 2014, është në listën e zezë të Ministrisë së Financave të SHBA-së dhe të Bashkimit Evropian, raporton Shërbimi i Ballkanit i Radios Evropa e Lirë.
Autoritetet ukrainase e kanë futur Poklonskajën në listën e të kërkuarve, duke e akuzuar atë për "aktivitete për ndryshimin e dhunshëm të rendit kushtetues".
Beogradi zyrtar e trajton Krimenë si pjesë të Ukrainës dhe nuk e njeh aneksimin rus.
-
Deputetja ruse në Beograd: Krimeja është Rusi e Kosova është Serbi
-
Parlamentarë serbë vëzhgues të zgjedhjeve presidenciale ruse në Krime
-
Zelensky do ta refuzojë propozimin e SHBA-së për njohjen e Krimesë si pjesë të Rusisë
-
BE-ja dhe SHBA-ja presion Serbisë: Marrëdhëniet me Rusinë “nuk janë normale”
-
Vulin në vizitë zyrtare në Moskë