Një ish-ushtar fëmijë në Uganda i cili ishte bërë komandant në një grup famëkeq rebelësh, është burgosur për krime lufte.
Dominic Ongwen, tani 45-vjeçar, është dënuar me 25 vjet burg për krime që përfshijnë, vrasje, dhunime e torturë.
Ongwen është ish-ushtari i parë fëmijë në Uganda i cili dënohet nga Gjykata Ndërkombëtare e Krimeve.
Ai ishte rrëmbyer nga grupi rebel LRA kur ishte vetëm nëntë vjeç por më vonë ishte bërë një komandant i frikshëm. Ai është dënuar nga Gjykata Ndërkombëtare e Krimeve, për 61 nga 70 akuzat që e rëndonin për krime kundër njerëzimit dhe krime lufte.
Krimet lidheshin me sulmet në katër kampe të zhvendosjes së njerëzve në Uganda, në vitin 2004.
Edhe
Ish-lideri i rebelëve në Ugandë, Ongwen, shpallet fajtor për krime lufte
Më shumë se 4,000 viktima kanë dhënë dëshmitë e tyre për këtë rast, i cili është zhvilluar në Hagë.
Pavarësisht numrit të madh të krimeve të kryera, trupi gjykues i cili ia ka shqiptuar dënimin Ongewenit ka thënë të enjten se ata kanë vendosur që të mos i japin atij dënim të përjetshëm pasi ai ishte rrëmbyer si fëmijë derisa po shkonte në shkollë në vitet e 80-ta dhe është rritur nga rebelët të cilët i kishin vrarë prindërit e tij.
