Përfaqësuesit e Ukrainës, përfshirë shefin e stafit të Zelenskyt, Andriy Yermak, janë aktualisht në Uashington për bisedime me zyrtarë amerikanë.
Zëvendëskryeministrja Yulia Svyrydenko është gjithashtu pjesë e delegacionit.
Duke shkruar në Telegram këtë mëngjes, Yermak ka thënë se ata do të promovojnë "çështje të rëndësishme për Ukrainën", duke shtuar se agjenda e tyre është "mjaft komplekse".
Ndër temat që ata duan të diskutojnë janë mbështetja e mbrojtjes, forcimi i sanksioneve ndaj Rusisë dhe mbështetja për kthimin e fëmijëve ukrainas, diçka që ata kërkuan gjatë bisedimeve me Rusinë dje.
Ukraina dhe Rusia kanë mbajtur të hënën rundin e dytë të bisedimeve për fundin e luftës, që ka përfunduar me një marrëveshje për kthimin e 6,000 ushtarëve të vrarë në luftë.
