Sekretari amerikan i Shtetit ua ka tërhequr vërejtjen liderëve të Izraelit se dëbimi i palestinezëve nga shtëpitë e tyre në Jerusalemin Lindor mund të nxisë konflikt dhe luftë. Antony Blinken që vizitoi Jerusalemin në fillim të javës, ka thënë se aksionet ushtarake që mund të nxisin serinë e konfliktit, duhet të shmangen.
Ani pse procesi i shpronësimit është ndalur përkohësisht, shkaku i armëpushimit të arritur pas 11 ditësh luftimesh, Izraeli pritet që në javët e ardhshme të nisë dëbimin e familjeve palestineze nga shtëpitë në Jerusalemin Lindor. Në konfliktin e fundit, u vranë 250 persona. Në mesin e viktimave në Gaza ishin 66 fëmijë.
Izraeli pushtoi Jerusalemin në luftën e vitit 1967. Krejt Jerusalemin e sheh si kryeqytet të vetin. Në tetorin e vitit të kaluar, gjykata izraelite erdhi në përfundim se familjet palestineze në Jerusalemin Lindor jetojnë në tokat që dikur u përkisnin hebrenjve.
-
Blinkeni dënon deklaratat që sugjerojnë zhvendosjen e palestinezëve
-
Blinkeni në Izrael bën thirrje për ulje të tensioneve
-
Blinkeni komenton zhvillimet ndërmjet izraelitëve dhe palestinezëve
-
Blinken thotë se është e domosdoshme të arrihet një zgjidhje diplomatike në Liban
-
Blinkeni kërkon ndalimin e luftimeve në Lindjen e Mesme