Biznesi i Safia Ibrahimit ishte në telashe. COVID-19 ishte përhapur në Somaliland, në Bririn e Afrikës. E veja 50-vjeçare, që kishte 10 fëmijë për t’i mbajtur, u nis derë më derë në periferi të qytetit, me brisk në dorë, duke përfituar nga izolimi për të kërkuar punë me vetëm një pyetje: A ju janë bërë vajzat synet? Ajo beson se puna e saj i mban vajzat të pastra për martesë, ani pse tashmë e di se nuk ka asnjë arsye mjekësore apo edhe fetare për heqjen e organeve gjenitale të jashtme, të cilat mund të shkaktojnë gjakrrjedhje të tepërt, probleme me lindjen e fëmijëve, infeksione, e madje edhe vdekje.
Mirëpo, kjo mbetet e ligjshme në Somaliland, kështu që Safia Ibrahimi do të vazhdojë derisa autoritetet të jenë ato që e ndalin.
Në Somaliland, rajon i shkretë që u nda nga Somalia tri dekada më parë dhe kërkon njohjen si vend i pavarur, vlerësimet e komunitetit nga punonjësit e Qeverisë dhe grupet e ndihmës zbuluan se rastet e gjymtimit gjenital të vajzave u rritën gjatë izolimit gjashtëmujor të pandemisë.
Grupet e avokimit thonë se kanë parë gjithashtu rritje të gjymtimeve edhe në Kenia, Tanzani, Sudan dhe Somali.
-
Shpërthimi i HIV-it te fëmijët si pasojë e ripërdorimit të shiringave nga mjekët në Pakistan
-
Izraeli, shteti i parë që e njeh Somalilandin si shtet të pavarur e sovran
-
“Duhet ta shpëtoj vetëm njërën nga vajzat binjake”, nëna që përballet me zgjidhjen e pamundur
-
Epidemia e izolimit social i godet afrikanët ndërsa përhapet kultura perëndimore
-
UNICEF: Mbi 200 fëmijë, përfshirë njëvjeçarë, janë përdhunuar në Sudan