Mesnata e së premtes shënon fundin e Britanisë së Madhe në Bashkimin Evropian.
Çështja e nxehtë e BREXIT-it merr fund pas pothuajse katër vjetësh.
Diskutimet kanë qenë të ashpra, si në Parlamentin britanik, ashtu edhe në atë evropian.
BREXIT-i fillimisht ishte caktuar për 31 mars të vitit të kaluar, por u vonua vazhdimisht kur deputetët kundërshtuan një marrëveshje të mëparshme të tërheqjes të arritur nga BE-ja dhe ish-kryeministrja Theresa May, raporton KTV.
E, pikërisht BREXIT-i u bë shkak për dorëheqjen e saj.
Edhe
Një dekadë pas BREXIT-it, kryeministri i ri britanik dhe sfidat në raport me BE-në
Kryeministri britanik, Boris Johnson, e ka mbështetur BREXIT-in dhe ka premtuar se do t’i prijë shtetit drejt një të ardhmeje të ndritshme.
Gjatë së premtes, deputetët britanikë u larguan për herë të fundit nga Parlamenti Evropian, derisa u kujdesën edhe për mesazhe ironike drejt BE-së.
Ndërsa, liderët e bllokut reaguan duke thënë se vetëm BE-ja mund t’i zgjidhë sfidat globale.
“Asnjëherë nuk konsiderohet moment i lumtur kur dikush largohet. Sidoqoftë, ne me këtë rast, po hapim një kapitull të ri. Do të punojmë shumë që t’i realizojmë të gjitha ambiciet e Bashkimit Evropian”, tha Charles Michel, President i Këshillit Evropian.
Britania disa herë ka refuzuar shumë projekte të BE-së, përfshirë edhe monedhën evropiane, ose marrëveshjen e Schengenit.
Për shumë vjet, euro-skeptikët britanikë kanë bërë fushatë për të çliruar vendin e tyre nga ai që ata e shohin si institucion tepër burokratik.
Edhe
Starmer: BREXIT-i ka dëmtuar ndjeshëm ekonominë tonë
Në vitin 2016, britanikët dolën për të votuar në referendumin për dalje ose qëndrim në Bashkimin Evropian, me ç‘rast shumica votuan për largim.
Britania bëhet vendi i parë që largohet nga blloku prej 28 anëtarësh, 47 vjet pas anëtarësimit të saj.
