Bashkimi Evropian ka shpenzuar 35 miliardë euro për karburantin rus që nga fillimi i luftës, krahasuar me një shpenzim prej vetëm 1 miliard eurosh për Ukrainën në armë, ka thënë shefi i politikës së jashtme të BE-së, Josep Borrell.
“Ne duhet t'i ndihmojmë [ukrainasit] të mbrohen... Ne i kemi dhënë Ukrainës 1 miliardë euro. Mund të duket shumë, por 1 miliardë euro është ajo që ne i paguajmë Putinit çdo ditë për energjinë që na jep”, i tha ai Parlamentit Evropian.
Vërejtjet e tij vijnë pasi ambasadorët e BE-së do të takohen për të shqyrtuar një raund të pestë sanksionesh kundër Moksës, duke përfshirë një ndalim të importeve të qymyrit rus.
“Sot ne i japim fund qymyrit, por kjo është vetëm një pjesë e vogël e faturës”, tha Borrell.
Shefja e Komisionit Evropian Ursula von der Leyen ka thënë se BE-ja është duke “punuar” për masa shtesë, duke përfshirë kufizimet në importet e naftës.
-
BE-ja premton 25 milionë euro për çminimin humanitar në Ukrainë
-
BE-ja zotohet t’i shtojë ndihmën për Ukrainën dhe sanksionet për Rusinë
-
BE-ja i pagoi Rusisë të paktën tri herë më shumë se ndihma financiare që i dërgoi Ukrainës
-
Borrelli e lavdëron marrëveshjen e BE-së për naftën ruse, Ukraina e quan të pamjaftueshme
-
BE-ja do të ndajë edhe 500 milionë euro për Ukrainën