Dhjetëra persona dyshohet se kanë vdekur pasi një shkollë është bombarduar në lindje të Ukrainës, raporton BBC.
Kryetari rajonal i Luhanskut, Serhiy Gaidai, ka konfirmuar dy të vdekur, por thotë se shifra e të vdekurve mund të arrijë në dhjetëra. Ai thotë se dyshohet për 60 të vdekur nën rrënojat e shkollës në Bilohorivka.
Rreth 90 persona ishin duke u strehuar në këtë shkollë nga luftimet, ndërsa 30 u shpëtuan, shtatë prej të cilëve morën lëndime.
Gaidai ka thënë se një aeroplan rus ka hedhur bombën të shtunën.
Në Luhansk janë duke u zhvilluar luftime të ashpra.
Artikuj të ngjashëm
