Sekretari amerikan i Shtetit, Anthony Blinken , u bëri thirrje të mërkurën të gjithë anëtarëve të Gjykatës Penale Ndërkombëtare që të respektojnë urdhrin e arrestit të lëshuar nga gjykata për presidentin rus Vladimir Putin.
“Unë mendoj se kushdo që është palë në gjykatë duhet të përmbushë detyrimet e tij”, tha Blinken.
Presidenti amerikan Joe Biden tha të premten se Putin kishte kryer qartazi krime lufte, duke shtuar se urdhër-arresti ishte i justifikuar.
Moska i ka mohuar vazhdimisht akuzat se forcat e saj kryen mizori gjatë pushtimit rus të Ukrainës dhe Kremlini e quajti vendimin e gjykatës “të pavlefshëm”.
As Rusia dhe as Ukraina nuk janë anëtarë të Gjykatës Penale Ndërkombëtare, megjithëse Kievi i ka dhënë juridiksionin gjykatës për të ndjekur penalisht krimet e kryera në Ukrainë. Gjykata Ndërkombëtare Penale nuk ka forcën e saj policore dhe ekzekutimi i urdhërarresteve i takon shteteve të saj anëtare.
Kujtohet se javën e kaluar, Gjykatës Penale Ndërkombëtare akuzoi Putinin për krim lufte për transportimin e paligjshëm të qindra fëmijëve nga Ukraina në Rusi. Masa ligjore detyron 123 vendet anëtare të arrestojnë Putinin dhe ta transferojnë atë në Hagë për gjykim nëse ai shkel në tokën e tyre./ CNN.gr
-
Blinken: Kërkesa e GJNP-së për arrestimin e liderëve izraelitë “thellësisht e gabuar”
-
Borrelli reagon për urdhërarrestin e lëshuar ndaj Putinit
-
Bideni mirëpret vendimin e GJNP-së për të lëshuar urdhëarrest për Putinin
-
Gjykata Ndërkombëtare Penale lëshon urdhërarrest për Putinin
-
Blinken: Rendi ndërkombëtar po shkatërrohet para syve tanë, Putini përgjegjës