Gjykata Ndërkombëtare Penale (ICC) të premten ka lëshuar urdhërarrest për presidentin rus Vladimir Putin, shkruan BBC.
GJNP-ja pretendon se ai është përgjegjës për krimet e luftës, duke përfshirë dëbimin e paligjshëm të fëmijëve nga Ukraina në Rusi.
Sipas Gjykatës, krimet janë kryer në Ukrainë nga 24 shkurt 2022 - kur Rusia filloi pushtimin në shkallë të plotë.
Moska ka mohuar akuzat për krime lufte gjatë pushtimit.
GJNP-ja e ka akuzuar Putinin për përfshirje në dëbimin e fëmijëve dhe thotë se ka arsye për të besuar se ai i ka kryer aktet drejtpërdrejt, si dhe duke punuar me të tjerët.
Gjykata ka thënë gjithashtu se udhëheqësi rus nuk arriti të ushtrojë të drejtat e tij për të ndaluar të tjerët që deportuan fëmijët.
Edhe
Borrelli reagon për urdhërarrestin e lëshuar ndaj Putinit
Komisionerja ruse për të drejtat e fëmijëve, Maria Alekseyevna Lvova-Belova, kërkohet gjithashtu nga GJNP-ja.
Pavarësisht urdhrit ndaj Putinit dhe Lvova-Belova, GJPN-ja nuk ka kompetenca për të arrestuar të dyshuarit dhe mund të ushtrojë juridiksion vetëm brenda vendeve që janë nënshkruar në marrëveshjen që krijoi gjykatën.
Rusia nuk është nënshkruese e asaj marrëveshjeje – kështu që nuk ka gjasa që as të ekstradohet.
