BioNTech-Pfizer ka premtuar të japë deri në 75 milionë më shumë doza vaksinash anti-COVID në Bashkimin Evropian në tremujorin e dytë të 2021-es, tha kreu i kompanisë Sierk Poetting të hënën.
Deri më tani, shpërndarja e vaksinave të BE-së është penguar nga çështjet e prodhimit. Dy nga furnizuesit e vaksinave të BE, BioNTech-Pfizer dhe AstraZeneca, kanë hasur në probleme të prodhimit.
Kjo ka bërë që nivelet e vaksinimit në vendet e BE-së të jenë mjaft prapa atyre në vendet e tjera në botë, përfshirë Izraelin, Shtetet e Bashkuara dhe Britaninë.
Kompania gjermane BioNTech dhe ajo amerikane Pfizer do të rrisin prodhimin me një strukturë të re që do të hapet në qytetin qendror gjerman të Marburg në shkurt. Ai do të ketë kapacitetin për të prodhuar 750 milionë doza vaksinash çdo vit.
Në total, BioNTech-Pfizer ka në plan të prodhojë rreth 2 miliardë doza të vaksinës kundër COVID-19 deri në fund të vitit 2021 për BE. Kjo është rritur, pasi fillimisht u planifikua për 1.3 miliardë sosh.
Ndërmarrja farmaceutike AstraZeneca, ndërkohë, ka rënë dakord të furnizojë 9 milionë doza shtesë të vaksinës së saj në Bashkimin Evropian gjatë tremujorit të parë.
-
BE-ja do të blejë edhe 100 milionë vaksina anti-COVID këtë vit
-
AstraZeneca dhe BE-ja arrijnë marrëveshje për furnizimin me vaksina
-
BE-ja arrin marrëveshje të re me “Pfizerin”
-
BE-ja do të arrijë marrëveshjen më të madhe të vaksinave në botë me Pfizerin
-
BE-ja ia dhuron Kosovës 95 mijë doza të vaksinës “Pfizer”