Presidenti i Shteteve të Bashkuara të Amerikës, Joe Biden shpreson të ketë armëpushim nga e hëna e ardhshme në luftën Izrael-Gaza, ka raportuar BBC News.
Komentet e tij erdhën pas raportimeve se ka pasur përparim në negociatat mes përfaqësuesve të Izraelit dhe Hamasit në Katar.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Këshilltari im kombëtar i sigurisë më thotë se jemi afër armëpushimit”, ka thënë Bideni.
Izraeli nisi kampanjën ajrore dhe tokësore në Gaza pasi Hamasi vrau rreth 1,200 njerëz në jug të Izraelit më 7 tetor. Sulmuesit morën edhe 253 pengje, një numër i të cilëve janë liruar tashmë.
Ministria e Shëndetësisë e udhëhequr nga Hamasi në Rripin e Gazës ka thënë se të paktën 29,878 njerëz janë vrarë në territor që nga fillimi i kampanjës – 96 vdekje brenda 24 orëve të fundit – dhe 70,215 njerëz janë lënduar.
Presidenti Biden, vendi i të cilit është aleati kryesor i Izraelit, ka folur për reporterët në New York për armëpushim të mundshëm.
“Jemi afër”, ka thënë Bideni të hënën. “Nuk kemi përfunduar akoma, por shpresoj se deri të hënën tjetër do kemi armëpushim”.
Një zëdhënës i Departamentit të Shtetit të SHBA-së ka thënë më herët se “progresi” është bërë në negociatat për t’i liruar pengjet izraelite gjatë ditëve të fundit, por nuk ishte e sigurt nëse Hamasi do të pranonte ofertën.
“Kemi bërë progres në bisedimet mes Egjiptit, Izraelit, SHBA-së dhe Katarit”, ka thënë zëdhënësi Matthew Miller.
Izraeli ka thënë se forcat e veta po bëhen gati për të shkuar në Rafah për të sulmuar luftëtarët e Hamasit. Të dielën zyra e kryeministrit ka thënë se ka pranuar planet nga ushtria për të evakuuar civilët nga zona.
Izraeli ka qenë nën presion ndërkombëtar për të mos nisur ofensivën në Rafah, ku janë të strehuar rreth 1.5 milionë palestinezë.
Kryeministri i Autoriteteve Palestineze (PA), Mohammed Shtayyeh është dorëhequr së bashku me qeverinë e tij, e cila udhëheq zona të pushtuara në Bregun Perëndimor. Presidenti Mahmoud Abbas ka pranuar vendimin e tij. Abbasi është nën presion nga SHBA-ja për të reformuar PA-në, për të udhëhequr Gazën pas luftës mes Izraelit-Hamasit.