Bashkimi Evropian miratoi sot sanksione të reja kundër Koresë së Veriut duke ndryshuar masat e vendosura nga Këshilli i Sigurimit të Kombeve të Bashkuara kundër Phenianit për provat bërthamore dhe lëshimin e raketave balistike.
“Masat përfshijnë shtrëngime në transaksionet e karbonit, hekurit dhe mineralin e hekurit me prejardhje nga Koreja e Veriut”, theksoi Këshilli i BE-së në një komunikatë, transmeton KP.
Këto masa, që ndryshojnë një rezolutë të nëntorit 2016 të Kombeve të Bashkuara përfshijnë gjithashtu një ndalim të importeve të bakrit, nikelit, argjendit dhe zinkut me prejardhje nga ky vend.
Ato përfshijnë gjithashtu një ndalim të eksportit të helikopterëve të rinj dhe anijeve drejt Koresë së Veriut dhe një ashpërsim të masave në fuqi në sektorin e transporteve dhe në sektorin financiar.
Masat e para shtrënguese të BE-së kundër Koresë së Veriut u vendosën në vitin 2006.
-
BE-ja vendos sanksione të reja kundër Koresë së Veriut
-
Koreja e Veriut goditet me sanksione të OKB-së pas testit bërthamor
-
BE dënon hedhjen e raketës nga Koreja e Veriut, shqyrton hapat e ardhshëm
-
Pas OKB-së, edhe BE-ja rikthen sanksionet ndaj Iranit
-
SHBA-ja godet Rusinë dhe Korenë e Veriut me sanksione