Bashkimi Evropian dhe Japonia kanë nënshkruar një marrëveshje tregtare të martën, të cilën zyrtarët e kanë cilësuar si “mesazh të qartë” kundër proteksionizmit, derisa Uashingtoni ka vendosur tarifa dhe ka kërcënuar me luftë tregtare, transmeton AFP.
Marrëveshja e nënshkruar në Tokio nga zyrtarët e lartë të BE-së dhe kryeministri japonez, Shinzo Abe përbën paktin më të madh të negociuar nga Bashkimi Evropian dhe krijon një zonë të lirë që mbulon gati një të tretën e GDP-së botërore.
“Jemi duke dërguar mesazh të qartë se ne qëndrojmë të bashkuar kundër proteksionizmit”, ka thënë presidenti i Këshillit Evropian, Donald Tusk.
“Duke nënshkruar këtë pakt jemi duke krijuar një deklaratë për tregti të lirë e të drejtë dhe jemi duke treguar se jemi më të fuqishëm kur punojnë së bashku”, ka thënë Presidenti i Komisionit Evropian, Jean-Claude Juncker.
Kjo marrëveshje është nënshkruar pas vendimit të presidentit amerikan, Donald Trump për të vënë tarifa ndaj aleatëve kyçë.
Edhe
BE dhe Japonia finalizojnë marrëveshjen për tregtinë e lirë
Bashkimi Evropian dhe Japonia janë goditur me tarifa të reja, pavarësisht bashkëpunimit afatgjatë me Uashingtonin.
Kryeministri japonez, Abe ka thënë se marrëveshje “i tregon botës përkushtimin e palëkundur politik të Japonisë dhe BE-së, për të udhëhequr botën në aspektin e tregtisë së lirë, në kohën kur është shpërndarë proteksionizmi”.
