Forcat e armatosura të Irakut kanë mbajtur një paradë ushtarake në kryeqytetin e vendit, Bagdad, për të shënuar fitoren e njoftuar nga kryeministri irakian, Haidai al-Abadi ndaj grupit ekstremist, Shteti Islamik, pas një fushate trevjeçare.
Abadi dhe komandantët e lartë të forcave të sigurisë kanë qenë pjesë e paradës në qendër të Bagdadit, derisa fluturonin helikopterë dhe aeroplanë ushtarakë.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoKryeministri irakian ka njoftuar më 9 dhjetor se Iraku është, “plotësisht i çliruar” nga grupi militant, Shteti Islamik dhe trupat irakiane janë duke kontrolluar gjithë kufirin Irak-Siri, raporton REL
Qeveria irakiane e mbështetur nga koalicioni ndërkombëtar i udhëhequr nga Shtetet e Bashkuara patën nisur një fushatë kundër IS-it, pasi ekstremistët kishin zotëruar një të tretën e shtetit gjatë vitit 2014.
Departamenti amerikan i Shtetit më 9 dhjetor e ka mirëpritur fundin e një “zotërimi të vrazhdë” të Irakut nga IS-i, derisa ka paralajmëruar se grupi vazhdon të përbëjë kërcënim.
Më 7 dhjetor, ushtria ruse ka deklaruar se e ka përfunduar mision e saj në luftimin e IS-it.
Moska ka qenë në përkrahje të forcave qeveritare të Sirisë.