Një avion i kompanisë “Malaysian Airlines” u detyrua që të kthehej në Melburn vetëm pak minuta pas nisjes, për shkak të një pasagjeri problematik që tentoi të hynte në kabinën e pilotimit.
Personi në fjalë, pasi nuk u lejua që të fliste me pilotin, kërcënoi se kishte me vete një bombë dhe do të hidhte avionin në erë.
Tre prej pasagjerëve të tjerë ndërhynë me shpejtësi dhe e ndaluan atë, ndërsa stafi i avionit mori vendimin që të kthehej në Melburn.
Sapo mbërriti në pistë, në avion hynë forcat speciale të policisë australiane, që nuk patën shumë punë për të bërë, pasi pasagjeri i zhurmshëm ishte lidhur nga të tjerët, që u konsideruan si heronj.
Pasagjerët në avion postuan në rrjetet sociale video të incidentit, ku shfaqet i dyshuari që merret nga policia. Kjo e fundit konfirmoi me shpejtësi se i dyshuari nuk kishte asnjë armë apo mjet shpërthyes me vete, duke qetësuar pasagjerët e tjerë të trembur.
Autoritetet australiane thanë se pasagjeri problematik ishte një 26-vjeçar nga Sri Lanka, i cili vetëm pak orë para se të hipte në avion ishte liruar nga një spital psikiatrik i Melburnit.
-
Panik gjatë fluturimit drejt Munihut, copat e motorit thyejnë dritaren, aeroplani kthehet në Selanik
-
Kriza me naftën – Australia u kërkon qytetarëve të përdorin transportin publik
-
Albanese përballet me alarm për bombë shkaku i një grupi kinez të muzikës
-
Misteri i aviacionit që sfidoi botën - pas 10 vjetësh, kërkimet nisin sërish
-
Deportohet nga Singapori australiani që tentoi ta kapte Ariana Granden