Derisa në portin e Valencias në Spanjë mbërriti grupi i parë i 629 emigrantëve të anijes Aquarius, në brigjet libiane dy anije të tjera humanitare janë pozicionuar në pritje të mbarimit të dhjetëra e qindra emigrantëve të nisur nga Libia.
Këtë lajm e ka dhënë për mediat italiane, Matteo Salvini, ministri i Brendshëm njëkohësisht zëvendës/kryeministër në qeverinë e Giuseppe Contes.
“Dy anije të tjera të organizatave humanitare që lundrojnë me flamur holandez Lifeline e Seefuchs kanë mbërritur në brigjet e Libisë në pritje për të marrë ngarkesën me qeniet humane të braktisur në det nga skafistët”, informon Ministri i Brendshëm Salvini.
“Le të dinë këta zotërinj se Italia nuk është më bashkëpunëtore e biznesit të emigracionit klandestin e le të kërkojnë porte të tjera jo italiane për të zbarkuar. Si Ministër dhe si baba mund të më sulmojnë e kërcënojnë sa të duan por unë nuk heq dorë nga vendimi im dhe e bëj për të mirën e të gjithëve”, është shprehur ai, transmeton kp.
Ndaj fjalëve të Salvinit ka ardhur një reagim i fortë nga organizata humanitare gjermane që lundron me anijen me flamur holandez Lifeline. Në profilin e tyre Twitter shkruajnë “kur fashistët na bëjnë reklamë”, post ky i hequr pak orë më vonë.
Por përgjigja e Salvinit ka qenë e menjëhershme: “Një pseudo organizatë vullnetarësh quan fashist zëvendës/kryeministrin italian? Ata nuk do të prekin kurrë tokën italiane”.
-
Të paktën 11 të vdekur nga përmbysja e një varke me emigrantë në Mesdhe
-
Spanja nis evakuimin e pasagjerëve nga anija e prekur me hantavirus
-
Anija turistike e goditur nga hantavirusi mbërrin në Tenerife
-
Evakuim ndërkombëtar nga anija e prekur me hantavirus, OBSH-ja monitoron situatën në Spanjë
-
Anija turistike e prekur nga hantavirusi po dërgohet në Spanjë