Ndikuesi kontrovers Andrew Tate dhe vëllai i tij Tristan mund të ekstradohen në Mbretërinë e Bashkuar, ka vendosur një gjykatë rumune.
Andrew Tate, 37 vjeç dhe Tristan, 35 vjeç, u arrestuan të hënën në Bukuresht pasi Policia e Bedfordshire tha se kishte marrë një urdhër arresti, raportoi BBC.
Vëllezërit mund të ekstradohen vetëm pas përfundimit të gjyqit të tyre të veçantë në Rumani për akuzat e trafikimit të qenieve njerëzore, vendosi një gjykatës.
Ata janë liruar nga paraburgimi.
"Ne jemi njerëz shumë të pafajshëm dhe me kalimin e kohës të gjithë do ta shohin këtë. Ne jemi të entuziazmuar për të përfunduar këtë proces gjyqësor dhe për të pastruar emrat tanë”, ka thënë Andrew Tate duke folur jashtë gjykatës.
Edhe
Gjykata rumune vendos për ekstradimin e Andrew Tates në Mbretërinë e Bashkuar
Vëllezërit, të cilët "i refuzojnë kategorikisht të gjitha akuzat", do të mbeten nën kontrolle gjyqësore në Rumani, gjë që i pengon ata të udhëtojnë jashtë vendit.
Përpara se ekstradimi të jepej nga Gjykata e Apelit në Bukuresht, Policia e Bedfordshire konfirmoi se kishte marrë urdhrin e arrestit për dy burra rreth të 30-tave si pjesë e një hetimi mbi akuzat për përdhunim dhe trafikim njerëzor.
Sipas përfaqësuesve ligjorë të vëllezërve, akuzat datojnë në vitet 2012-2015.
Autoritetet rumune po hetojnë akuza të veçanta për përdhunim, trafik njerëzor dhe formim të një bande kriminale - akuza që vëllezërit i mohojnë.
Në dhjetor 2022, vëllezërit u arrestuan nga autoritetet rumune dhe u vunë në arrest shtëpiak në qytetin Voluntari, në periferi të Bukureshtit. Arrestimi shtëpiak u hoq në gusht të vitit të kaluar, por ata u penguan të largoheshin nga Rumania.
Edhe
Andrew Tate lirohet nga masa e arrestit shtëpiak
Ata akuzohen për shfrytëzim të grave nëpërmjet një biznesi të përmbajtjes për të rritur, të cilin prokurorët pretendojnë se vepronte si një grup kriminal.
