Një shtetas amerikan është dënuar me burgim të përjetshëm për përdhunimin dhe vrasjen e një turiste amerikane në Gjermani dhe për tentim vrasjen e shoqes së saj, raporton “BBC”.
Gjykata në Gjermani e ka dënuar Troy Philipp B (31) për sulmin ndaj dy turisteve në afërsi të Kështjellës Neuschwanstein.
Muajin e kaluar, ai pranoi se kishte sulmuar një nga gratë para se të shtynte atë dhe shoqen e saj poshtë në gryke më 14 qershor të vitit 2023.
Ai ishte shoqëruar me dy gratë para se t’i bindte që të takoheshin në një vend publik.
Në vendimin e gjykatës në Kempten të Bavarisë, gjykatësi Christoph Schwiebacher ka thënë se vrasësi nuk do të ketë të drejtë për të aplikuar për lirim me kusht për 15 vjetët e ardhshme. Është e zakonshme për një person në Gjermani që dënohet me burgim të përjetshëm.
Edhe
Dënohet me burgim të përjetshëm burri që tentoi ta vriste Trumpin
Zyrtarët gjermanë nuk kanë identifikuar viktimat, por familjraët thonë se bëhen fjalë për të diplomuarat nga Universiteti i Illinoisit, Eva Liu (21) dhe Kelsey Chang (22).
Burri nga Michigani, thuhet se kishte dërguar dy gratë në një shteg të fshehtë, duke u thënë se rruga për në urën Marienbruecke është e vështirë për t’u gjetur.
Autoritetet thonë se ai më pas e përdhunoi Liun para se të tentonte ta mbyste. Shoqja e Lius, Chang tentoi ta ndalte por ai e shtyu atë në një grykë të thellë 50 metra. Më pas vazhdoi sulmin ndaj Lius dhe e la pa ndjenja atë duke ia lidhur litarin në fyt, ndërsa e xhiroi ngjarjen.
Ai e shty Liun, që ishte pa ndjenja, në grykë dhe disa alpinistë e panë ngjarjen.
Dy gratë u dërguan në spital, por Liu vdiq nga plagët ndërsa Chang shpëtoi me lëndime të rënda.
Edhe
Infermieri gjerman vrau 10 pacientë, dënohet me burgim të përjetshëm
I dyshuari ishte arrestuar më vonë atë ditë, pas një kërkimi masiv.
Në fillimin e gjykimit në shkurt, burri nga Michigani tha se është thellësisht i turpëruar për ngjarjen.
