Lëvizjes kundër ngrohjes globale “Extinction Rebellion” nuk i ka bërë përshtypje urdhri i policisë në Londër për ndalimin e protestave të tyre, pasi kanë paralajmëruar aktivitete të reja kryengritëse.
Qindra policë, pa asnjë paralajmërim, kanë hyrë në sheshin kryesor të Londrës “Trafalgar” për t’i larguar protestuesit që e shfrytëzuan këtë hapësirë si bazë të protestave të tyre.
Aksioni i policisë ka ngjallur reagimin e aktivistëve që prej Londrës kanë zgjeruar protestat e tyre nëpër qytetet kryesore të botës.
Cak i protestave të 15 tetorit ishte Ministria e Transportit në qendër të Londrës. Shkas i këtyre protestave u bë një projekt i propozuar për një hekurudhë të trenave të shpejtë.
Gjatë kësaj proteste u arrestua bashkëthemeluesja e lëvizjes “Extinction Rebellion”, Gail Bradbrook. Ajo u arrestua pasi hipi mbi derën e hyrjes së ministrisë dhe tentoi të thyente xhamin me një çekan.
Edhe
Përplasje mes udhëtarëve dhe protestuesve në Londër
“Nuk dua të shkatërroj gjëra, dua që t’i riparoj ato”, ka thënë Bradbrook, transmeton KTV.
Mirëpo, ajo nuk ishte e vetmja që bllokoi hyrjet e institucioneve nëpër Londër.
Të hënën, një grup bllokoi hyrjen e bankës “Barclays” dhe përdori edhe ngjitës për t’ia pamundësuar policëve arrestimin e tyre.
Protesta pati edhe para transmetuesit publik BBC, me arsyetimin se mediat po e heshtin thirrjet e tyre.
Lëvizja përdor mosbindjen për të vënë në pah rrezikun që po i kanoset planetit Tokë nga ndryshimet klimatike.
Edhe
1.000 të arrestuar nga protesta ambientaliste njëjavore në Londër
Protestat nisën në tetorin e vitit 2018 dhe që prej asaj kohe janë arrestuar 1 mijë e 500 aktivistë vetëm në Londër.
E më shumë se 1 mijë e 500 të tjerë janë arrestuar në protestat e mbajtura në Bruksel, Amsterdam, Sidney dhe New York.
