Alternativa Ultra-djathtiste për Gjermaninë (AfD) i bëri thirrje Berlinit zyrtar sot të braktisë Bashkimin Evropian nëse nuk reformohet, por hoqi dorë nga ideja e saj origjinale për të dhënë afat kohor për pesë vjet.
Kjo është hera e parë që një parti gjermane përmend të ashtuquajturin "Gexit" - tërheqjen e Gjermanisë nga BE, transmeton KP.
Kreu i kësaj partie Alexander Golan paralajmëroi megjithatë, se kolegët e tij të partisë, në kuadrin e miratimit të një platforme zgjedhore për Parlamentin Evropian, nuk specifikuan një datë konkrete për një dalje të mundshme të Gjermanisë nga BE, transmetojnë mediat gjermane.
"Nuk mendoj se është e mençur të hyjmë në zgjedhje me një kërkesë maksimale", tha ai në një kongres në qytetin Riza, pas së cilës u miratua një formulim më i butë që thotë se reforma e BE duhet të zhvillohet në kohën e duhur.
Ai shtoi se dalja e paralajmëruar e Britanisë së Madhe nga BE do të ndikojë edhe te votuesit në Gjermani.