Një 82-vjeçare është kafshuar për vdekje nga një qen në Zarë të Kroacisë, ka raportuar Index.hr, e trupi i saj është gjetur mëngjesin e së mërkurës, e Policia e ka arrestuar një familjar të saj.
Sipas mediumit, i arrestuari është nipi i gruas, pasi qeni ishte në pronësi të tij, e ai po akuzohet për rrezikim të sigurisë publike. Gruaja dhe qeni ishin të vetëm në banesë kur e kafshoi për vdekje.
Në raportin e autopsisë u konfirmua se gruaja humbi jetën nga plagët e sulmit të qenit.
Autoritetet e sigurisë të Kroacisë kanë thënë se do ta hetojnë rastin, derisa familjes së të ndjerës i kanë shprehur ngushëllime.
Raportohet se 82-vjeçarja ishte lënë që të kujdesej për qenin në banesë për disa ditë.
