Më shumë se 800 zyrtarë amerikanë dhe evropianë kanë nënshkruar deklaratën me të cilën kanë tërhequr vërejtjen se politikat e qeverive të tyre ndaj luftës mes Izraelit dhe Gazës mund të cenojnë rendin ndërkombëtar.
E ashtuquajtura “deklarata transatlantike” thotë se qeveritë e tyre rrezikojnë të jenë bashkëpjesëmarrëse në një prej katastrofave më të mëdha njerëzore të këtij shekulli. Këta zyrtarë kanë thënë se këshillat e tyre janë lënë anash nga liderët e qeverive.
Deklarata është shenjë e pakënaqësisë brenda qeverive aleate për mënyrën e zhvillimit të luftës së Izraelit.
Një prej nënshkruesve është edhe një zyrtar me përvojë 25-vjeçare në sigurinë kombëtare. Ai ka thënë se qeveria ka vazhduar të refuzojë shqetësimet e tyre. Deklarata është nënshkruar nga shërbyesit civilë të SHBA-së, BE-së dhe 11 shteteve të tjera evropiane përfshirë Britaninë e Madhe, Francën dhe Gjermaninë.
Në këtë deklaratë shërbyesit civilë kanë thënë se Izraeli me operacionet ushtarake në Gazë ka treguar se nuk ka kufij dhe ka rezultuar me vrasjen e mijëra civilëve. Sipas tyre, vrasja e civilëve ka mundur të parandalohej. Identiteti i këtyre shërbyesve civilë nuk është bërë publik.
-
Qindra ish-zyrtarë izraelitë i kërkojnë Trumpit që lufta në Gaza të përfundojë
-
DER SPIEGEL: Për krimet izraelite në Gazë është bashkëfajtore edhe Gjermania - kjo duhet të marrë fund menjëherë
-
Vendet perëndimore bëjnë thirrje për fundin e menjëhershëm të luftës në Gazë
-
Votuesit amerikanë nuk pajtohen me qëndrimin e Bidenit për Gazën
-
Mbi 500 zyrtarë amerikanë i dërgojnë letër Bidenit, e kundërshtojnë mbështetjen për Izraelin