-
Përktheu:
Flutura Gashi-Mehmeti
- 14 korrik 2024 13:47
- Shpërndaje në:
Pak çaste pasi u qëllua në një tubim elektoral në Butler, Pensilvani, të shtunën pasdite, Donald Trumpi u pa me gjak në vesh dhe faqe teksa u largua me nxitim nga skena.
Një video më e plotë e sulmit dhe situatës së pasulmit që është publikuar së fundmi tregon skenën kaotike të krijuar, derisa sigurimi i tij përpiqet ta mbulojë nga të gjitha anët.
Trump ishte në mes të fjalimit të tij kur u dëgjuan disa të shtëna. Ai shihet duke mbajtur veshin ndërsa agjentët e Shërbimit Sekret e rrethojnë, raporton CNN.
"Zbrisni, zbritni, zbritni," thotë njëri. Më pas dëgjohet një e shtënë tjetër dhe një grua bërtet.
Dëgjohen disa zëra të agjentëve të Shërbimit Sekret - njëri thotë "lart!" një tjetër "shkallët janë gati, shkallët janë gati".
Edhe
Shfaqet videoja që tregon sulmuesin e Trumpit në një çati
Trumpi mund të dëgjohet gjithashtu, por fjalët e tij janë të paqarta. Më shumë agjentë dalin në skenë, disa duke mbajtur pushkë sulmi. Mbështetësit e Trumpit në sfond duken të tronditur, ndërsa disa filmojnë me telefonat e tyre.
Pasi kanë dëgjuar se sulmuesi është vrarë Trumpi dhe agjentët ngrihen në këmbë. Më pas dëgjohen këto diskutime:
Trump: Më lejoni të marr këpucët e mia, më lejoni të marr këpucët e mia.
Agjenti: "Të kuptova zotëri, të kuptova zotëri."
Trump: Më lejoni të marr këpucët e mia.
Një agjent tjetër: "Prisni, koka juaj është e gjakosur".
Edhe
Trumpi u bën thirrje amerikanëve “të qëndrojnë të bashkuar”
Agjenti: "Zotëri, ne duhet të shkojmë në ..."
Trump: Më lejoni të marr këpucët e mia.
Agjentja: "në rregull"
Trump: “Prit, prit, prit”.
Më pas ai me grusht përshëndet turmën thotë fjalën "luftë" tri herë - një lëvizje që u prit me brohoritje.
Trump dhe ekipi i Shërbimit Sekret largohen nga podiumi dhe drejtohen drejt veturave ndërsa turmat brohorasin "SHBA. SHBA. SHBA."
Edhe
Trumpi tërhiqet nga skena, dëgjohen krisma në tubim
Këtu mund të shikoni videon e vendit të ngjarjes:
VIDEO:
