Zëdhënësja e Ministrisë së Punëve të Jashtme të Rusisë, Maria Zakharova, ka thënë se vizita e Sekretarit të Përgjithshëm të NATO-s, Jens Stoltenberg në Ballkan ka qenë e natyrës provokuese dhe destruktive, me qëllim të tronditjes së situatës në rajon.
Stoltenberg vizitoi shtetet e Ballkanit Perëndimor, përfshirë Kosovën, gjatë javës së kaluar. Shefi i NATO-s e bëri të qartë se aleanca do të angazhohet që në këtë rajon të ketë stabilitet dhe siguri.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoPor kështu nuk e sheh Rusia.
“Qëndrimi i Stoltenbergut në Bosnjë dhe Hercegovinë dhe Serbi ishte qartësisht provokues. Ai u përpoq të përfshihej në punët e brendshme të Bosnje dhe Hercegovinës, për ta detyruar këtë vend t'i afrohej strukturave të Atlantikut të Veriut. Ai propozoi në mënyrë agresive rritjen e bashkëpunimit me Beogradin, pavarësisht statusit neutral të Serbisë, duke akuzuar Rusinë për të gjitha mëkatet e tyre. Ata e paraqitën në atë mënyrë që gjoja po punonin për sigurinë, ndërsa punonin për dezinformimin dhe minimin e situatës në Ballkan”, ka thënë Zakharova.
Sipas saj, udhëtimi i Stoltenbergut në Ballkan është një dëshmi shtesë që blloku ushtarak po synon të tërheqë vendet e rajonit të futen në aleancë.
“Ne nisemi nga fakti që NATO duhet të ndalojë politikën e saj të destabilizimit në Ballkan, të vendosë rregullat e veta, të krijojë linja të reja ndarjeje. Siç tregon historia, ndikimi i aleancës në Ballkan shoqërohet gjithmonë me trishtim, humbje jetësh, shkatërrim dhe krime lufte”, përfundoi Zakharova.