Rupert Murdoch, manjati australian i mediave, i cili formoi Fox News, dhe e bëri forcë në politikën amerikane, ka dhenë dorëheqje si lider i kompanisë.
I biri i tij, Lachlan, do të bëhet drejtor i kompanisë News Corp dhe do të vazhdojë si shef ekzekutiv i Fox Corp.
Lachlan ka thënë se babai do të vazhdojë të jetë këshilltar i dy kompanive të Fox.
Përveç Fox News, Rupert Murdoch kishte nisur edhe rrjetin e transmetimeve Fox duke i sfiduar treshen e madhe të televizioneve ABC, CBS dhe NBC.
Kanali i Fox News ka qenë televizion me ndikim në politikën kombëtare qëkur nisi transmetimin në vitin 1996, duke e bërë Murdochun hero për dikë e paria për të tjerët.
Brenda gjashtë vjetësh, arriti të tejkalonte edhe CNN dhe MSNBC-në.
Mirëpo ka qenë vit i vështirë për Foxin që u detyrua të paguante 787 milionë dollarë për padinë në lidhje me raportimet e rrejshme pas zgjedhjeve presidenciale të vitit 2020.
Menjëherë pas kësaj, moderatori i njohur Tucker Carlson ishte shkarkuar.
© KOHA. Të gjitha të drejtat janë të rezervuara.
