Një pritë me armë zjarri në një qytet të largët australian që la gjashtë persona të vdekur dhjetorin e kaluar është shpallur sulm terrorist me motive fetare, shkruan BBC.
Autoritetet kanë thënë se është hera e parë që ideologjia ekstremiste e krishterë lidhet me një sulm terrorist në Australi.
Dy oficerë policie dhe një person u vranë kur Nathaniel, Stacey dhe Gareth Train hapën zjarr në një pronë rurale në Queensland dhjetorin e kaluar.
Treshja u qëllua për vdekje pas një përplasjeje të gjatë me policinë.
Policia ka hetuar nëse grupi - vëllezërit Nathaniel dhe Gareth dhe Stacey - ishin të lidhur me teori konspirative.
Sulmi ishte i paramenduar dhe hetuesit kishin gjetur prova të rëndësishme të përgatitjes dhe planifikimit paraprak, kanë thënë autoritetet.
