Ish-zëvendëspresidenti insiston në mbrojtjen e Kushtetutës amerikane

Ish-zëvendëspresidenti amerikan Mike Pence ka reaguar ndaj thirrjes së Donald Trumpit për të hequr disa pjesë të Kushtetutës amerikane në lidhje me gënjeshtrën e tij se zgjedhjet e vitit 2020 ishin të manipuluara. Ish-presidenti amerikan këtë thirrje e ka bërë në rrjetin e tij social.

Trumpi ka thënë se një mashtrim i këtij lloji dhe përmasash lejon fundin e të gjitha ligjeve dhe neneve, madje edhe të Kushtetutës. Ai ka insistuar se zgjedhjet ishin të manipuluara. Mirëpo zëvendësi i tij, Mike Pence, ka thënë se të gjithë ata që duan të angazhohen në punët publike dhe t’i shërbejnë shtetit, duhet ta bëjnë të qartë se përkrahin dhe mbrojnë Kushtetutën e Shteteve të Bashkuara të Amerikës.