Estonia e Letonia, dy shtete anëtare të NATO-s kanë reaguar pasi raketat ruse goditi një fshat në Poloni, duke shkaktuar vdekjen e dy personave.
“Lajmi i fundit nga Polonia është shumë shqetësues. Ne jemi duke u konsultuar ngushtë me Poloninë dhe aleatët tjerë. Estonia është e gatshme të mbrojë çdo centimetër të territorit të NATO-s. Ne jemi në solidaritet të plotë me aleatin tonë të ngushtë Poloninë”, thuhet në reagimin e Ministrisë së Jashtme të Estonisë.
Presidenti i Estonisë, Alar Karis, ka thënë se është shqetësues lajmi për sulmin në Poloni.
“Jam në kontakt të ngushtë me presidentin Andrzej Duda për t’u konsultuar me aktivitetet e mëtutjeshme. Estonia, si gjithë aleatët tjerë, qëndrojnë së bashku krah më krah për çdo centimetër të territorit të NATO-s”, ka shkruar Karis, në Twitter.
Ministri i Mbrojtjes i Letonisë, Artis Pabriks, ka reaguar po ashtu.
“Ngushëllime për vëllezërit tanë polakë. Regjimi kriminal rus ka gjuajtur raketa që kanë shënjestruar jo vetëm civilët ukrainas, por kanë rënë edhe në territor të NATO-s në Poloni. Letonia është plotësisht prapa miqve polakë dhe dënon këtë krim”, ka shkruar Pabriks në Twitter.
© KOHA. Të gjitha të drejtat janë të rezervuara.
