Tre ditë para se të bëhej kryeministër, u botua kolumna e fundit e Boris Johnsonit për Daily Telegraph.
Një pasqyrim politik nuk ishte i lirë, me Johnsonin që fitoi një pagë prej 275,000 funte për punën 10 orëshe në një muaj për opinionet e tij javore.
Por, me titujt e Telegraphit që janë kthyer në kritik ndaj kryeministrit pas skandalit “Partygate”, mund të ndodhë që Johnsonit do t'i duhet të gjejë një shtëpi të re nëse dëshiron t'i rikthehet gazetarisë pas largimit nga kryeministria, shkroi të shtunën The Guardian.
Ai mund të ketë opsione të tjera: burime të shumta në Daily Mail kanë thënë se Johnsoni është kontaktuar për të shkruar një kolumnë për gazetën kur ai të largohet.
Një marrëveshje e tillë mund të çimentojë lidhjet e ngushta midis kryeministrit dhe titujve të Daily Mailit - me përfitime të mundshme për të gjithë të përfshirët. Ka pasur spekulime të vazhdueshme se Johnson është duke u përgatitur për t'i dhënë një titull nderi Paul Dacres - kryeredaktor i kompanisë mëmë të Daily Mail. Kjo mund ta qetësojë disi Dacren, pasi Johnsoni dështoi t'ia siguronte atij detyrën e drejtuesit të rregullatorit të medias, Ofcom.
Në të njëjtën kohë, kryeministri po kërkon për burime të reja të ardhurash, pasi paga e tij do të përgjysmohet në 84,000 funte kur të largohet nga zyra. Ai po përballet edhe me pasojat e një divorci të shtrenjtë dhe koston e mbështetjes së fëmijëve të tij.
Nëse Johnsoni i bashkohet Daily Mailit, do t’i jepte fund një lidhjeje të gjatë me Daily Telegraphin i cili i dha atij një shans të dytë si gazetar i ri pasi u largua nga Times për shkak se sajoi një citim.
