Rikke Levandovski deklaroi se u hodh në banakun e një prej dyqaneve kur ndodhi sulmi me armë në qendër tregtare të Kopenhagës, BBC-ja të dielën.
Ajo tha të dielën se dëshmitarët e tjerë menduan se sulmuesi ishte vetëm hajdut, por pastaj sipas saj, nisën të shtënat dhe paniku.
“Njerëzit fillimisht menduan se ishte një hajdut, pastaj papritmas dëgjova të shtëna dhe u hodha pas banakut brenda dyqanit. Ai po qëllonte në turmë, jo në tavan apo në dysheme”, shtoi Levandoski.
Një dëshmitare tjetër, Lisbeth, tha se ishte në qendër kur nisi sulmi. Ajo dhe shumë të tjerë u fshehën në dyqan, ndërkohë që sulmuesi, që raportohet që është një 22-vjeçar, gjuante pa pushim.
“Dëgjuam një të shtënë nga ana tjetër, dy-tre të shtëna dhe më pas njerëzit u kapën nga paniku dhe filluan të vraponin drejt daljeve”, tha ajo”.
Në ditën kur ndodhi sulmi ishte paralajmëruar të mbahej koncerti i këngëtarit britanik Harry Styles. Mbi 17 mijë persona gjendeshin në Arenën Mbretërore të Kopenhagës duke pritur të niste koncerti, derisa sulmuesi kreu disa vrasje jashtë.
Qendra tregtare ku ndodhi sulmi gjendet 5 kilometra në jug të Kopenhagës. Ajo është ndër qendrat më të mëdha në Danimarkë pasi brenda përfshin dyqane, parkingje dhe restorante. "Zakonisht është vendi ku shkojnë familjet. Zona është shumë e qasshme nëpërmjet metrosë", deklaroi një gazetar lokal.
