Botë

Java e vështirë e Putinit përballë Perëndimit

Përpara luftës, Rusia këmbënguli në garancitë detyruese që e përjashtonin zgjerimin e NATO-s në Ukrainë dhe në vende të tjera ish-sovjetike dhe kërkoi një kthim prapa të angazhimit të aleancës ushtarake në Evropën Lindore.

 

Përpara luftës, Rusia këmbënguli në garancitë detyruese që e përjashtonin zgjerimin e NATO-s në Ukrainë dhe në vende të tjera ish-sovjetike dhe kërkoi një kthim prapa të angazhimit të aleancës ushtarake në Evropën Lindore.

Nuk ka qenë një javë e lehtë për presidentin rus, Vladimir Putin. Ai bëri udhëtimin e tij të parë jashtë vendit, që nga pushtimi i Ukrainës, për të forcuar marrëdhëniet me aleatët problematikë të Azisë Qendrore. Ai shikonte teksa NATO-ja e shpalli Moskën armiken e saj kryesore dhe ftoi fqinjët e Rusisë, Suedinë dhe Finlandën që t'i bashkoheshin aleancës. Dhe ai u detyrua të mohonte se trupat e tij kishin sulmuar sërish një objekt civil në Ukrainë.

Duke iu kundërvënë shfaqjes së unitetit perëndimor mbi Ukrainën, në një seri samitesh në Evropë këtë javë, Putini ka kërkuar që lëvizjet e SHBA-së dhe aleatëve të saj t'i paraqesë si provë të planeve të tyre armiqësore dhe ai u zotua ta shtyjë ofensivën kundër fqinjit të Rusisë, tani në muajin e pestë.