Botë

Rusia shpreson që Serbia s’do t’i vendosë sanksione

Ambasadori i Rusisë në Beograd, Alexandar Botsan Kharchenko, pret që marrëdhënia mes vendit të tij dhe Serbisë, të mbetët ashtu siç është, sipas tij e fortë, miqësore dhe strategjike.

Kharchenko në një intërvistë për Radio Televizionin e Vojvodinës, nuk ka dashur të thotë se cili do të ishte reagimi i Rusisë nëse Serbia i vë sanksione për shkak të luftës në Ukrainë, por ka shtuar se kjo nuk do të mirëpritej.

Vënia e sanksioneve, sidomos e këtji dimensioni, nuk do të ishte një akt miqësor”, ka thënë Kharchenko, përcjell N1 të enjten mbrëma.

Mbi Serbinë dita-ditës po rritet presioni për t’u rreshtuar me Perëndimin kundër luftës së nisur nga Rusia dhe t’i vë këtij shteti sanksione. Deri më tash, Serbia ka refuzuar t’i vë sanksione, duke u bërë ndër shtetet e vetme në Evropë që nuk e ka dënuar Rusinë për agresionin në Ukrainë, të nisur më 24 shkurt.

Edhe presidenti i Serbisë, Aleksandar Vuçiq, ka thënë se presioni mbi vendin e tij është i madh për t’i vënë sanksione Rusisë.